इंग्रजांनी भारतात चहा आणला आणि तो आपलाच झाला. इतका की सकाळचे वर्तमानपत्र चहाचा कप हातात घेतल्याशिवाय उघडल्याच जात नाही. घरगुती चर्चा असो वा कंपनीची महत्त्वाची मीटिंग चहाशिवाय उरकतच नाही. मित्र-मैत्रिणींचे रुसवेफुगवे असोत की शेअर मार्केटमधील चढ-उतार चहा सोबत लागतोच. पावसाळ्याच्या प्रत्येक सरीसोबत वाफाळता चहा तर हवाच हवा. कामामुळे आलेला शीण घालवायला तर चहा शिवाय दुसरा पर्याय तरी आहे का? अहो, आमच्या भारतीय संस्कृतीत तर चहाशिवाय लग्नाची बोलणीही आटपत नाही इतका तो आपल्यात भिनला आहे! तुमच्या आमच्या सुखदुःखात सहभागी होऊन तो आपल्या जीवनाचा एक अविभाज्य भागच बनून गेलाय. या चहाला अधिक आनंददायी, अधिक दर्जेदार, उत्साहवर्धक पेय कसे बनवता येईल या दिशेने आमचे प्रयत्न सुरू होते. महा चहाच्या रूपाने ते पूर्णत्वास आले.

स्त्री जगातली अर्धी शक्ती आहे. निसर्गतः अनेक क्षमता तिच्यात आहे. स्त्री म्हणजे स्रुजन, स्त्री म्हणजे नवनिर्मिती,स्त्री म्हणजे शक्तीचा अमर्याद स्त्रोत! प्रत्येक स्त्रीने आत्मनिर्भर होण्यासाठी वाटचाल करण्याची खरी गरज आहे. भारत सरकारनेही आता स्त्री सशक्तीकरणासाठी विशेष योजना राबविल्या आहेत. स्त्रीयांनी पुरुषांच्या खांद्याला खांदा लावून देशाच्या प्रगतीत आपले योगदान द्यावे, आपल्या पंखात बळ आणावे, प्रगतीच्या नव्या वाटा शोधाव्यात, असा आमचाही मानसआहे. त्यादृष्टीने 'महाचहा' हे त्यांना उपलब्ध करून दिलेले नवे आकाश आहे. यात त्यांनी उत्तुंग भरारीची झेप घ्यावी, कर्तृत्वाच्या पताका फडकवाव्यात, त्यांच्या क्षमतांना आकार द्यावा, एक नवा भारत घडविण्यास सुसज्ज व्हावे, प्रगतीचे शिलेदार त्यांनी व्हावे, हीच आमची मनीमानसी इच्छा आहे.